പട്ടാളക്കാരന്‍ കഥാസ്വാദനം, സൗന്ദര്യപൂജ ആസ്വാദനം- കൃഷ്ണവേണി, ഇഖ്ബാല്‍ എച്ച്.എസ്.എസ് കാഞ്ഞങ്ങാട്, അശാന്തിപര്‍വങ്ങള്‍ക്കപ്പുറം - സമഗ്രാസൂത്രണം, സംവാദം .... അഭിപ്രായങ്ങള്‍ ക്ഷണിക്കുന്നു....... അഭിപ്രായങ്ങള്‍‍ ലഭിക്കുമ്പോഴാണ് കൂടുതല്‍ കാര്യക്ഷമമായി പ്രവര്‍ത്തിക്കാനാവുക.. കമന്റ് ബോക്സില്‍ നിങ്ങളുടെ അഭിപ്രായം പ്രതീക്ഷിക്കുന്നു

Wednesday, July 3, 2013

യൂണിറ്റ് ടെസ്റ്റ്


ജി.ജി.എച്ച്.എസ്.എസ് മഞ്ചേരി
യൂണിറ്റ് മൂല്യനിര്‍ണയം
മലയാളം-പേപ്പര്‍-1 സമയം- 90 മിനിട്ട് ക്ലാസ് --പത്ത് സ്കോര്‍ -40
നിര്‍ദേശങ്ങള്‍
-ആകെ13 ചോദ്യങ്ങള്‍ തന്നിരിക്കുന്നു.
-12 ചോദ്യങ്ങള്‍ക്കാണ് ഉത്തരമെഴുതേണ്ടത്.
-സ്കോറും സമയവും പരിഗണിക്കണം.


1 പദച്ചേരുവകള്‍ക്കുണ്ടാകുന്ന മാറ്റം കുറിക്കുക. 2
മാതൃക
മഴ,കാലം-മഴക്കാലം ( ക ഇരട്ടിച്ചു.)
മഴ,ആണ്- മഴയാണ് (യ പുതിയതായി വന്നു.)
എഴുതി,ഉണ്ടാക്കി-
കഴിഞ്ഞു,എങ്കിലും-കണ്ടെത്തുക.
2കാവ്യപരമായ പ്രത്യേകതകള്‍ കണ്ടെത്തിയെഴുതുക 2
സ്വര്‍ണവര്‍ണമരയന്നം മഞ്ജുനാദമിതു
നിര്‍ണയമനിക്കിണങ്ങുമെന്നു തോന്നും.
3അടിവരയിട്ട പദങ്ങള്‍ക്കു പകരം ഒറ്റപ്പദമെഴുതി വാക്യം മാറ്റിയെഴുതുക. 1
അയാള്‍ക്ക് പുസ്തകങ്ങളുടെ ശേഖരമുണ്ട്.
4 "കലഭൂതലഗതകഥകള്‍ ചിലര്‍ പറയും 1
സമയം കഴിപ്പതിനു സദുപായമിതു നല്ലൂ"
ദമയന്തി ഇങ്ങനെ പറയുന്നതിന്റെ ഉദ്ദേശ്യമെന്ത്?
) ഭൂതലത്തില്‍ നടക്കുന്ന കാര്യങ്ങള്‍ അറിയാം.
ബി) സമയം കളയാന്‍ മറ്റു മാര്‍ഗങ്ങളില്ല.
സി)നളനെക്കുറിച്ചുള്ള വാര്‍ത്തകള്‍ കേള്‍ക്കാം.
ഡി) ഭരണകാര്യങ്ങളില്‍ അച്ഛനെ സഹായിക്കാം.
5 "അങ്ങനൊന്നുണ്ടായിട്ടല്ല.ന്നാലൊന്നൂല്ല്യാന്നങ്ങട് പറയാന്‍ വയ്യേനീം" 2
"പോരാത്തേന് ഉരപ്പുരേം ചക്കീം ഒക്കണ്ടേനീം.”
വരികളില്‍ തെളിയുന്ന ഭാഷാപരമായ പ്രത്യേകതകള്‍ കണ്ടെത്തിയെഴുതുക.
6മുതല്‍ 11 വരെയുള്ള ചോദ്യങ്ങളില്‍ ഏതെങ്കിലും അഞ്ചെണ്ണത്തിനു മാത്രം ഉത്തരമെഴുതുക.
(ഓരോന്നിനും നാലു സ്കോര്‍ വീതം)
6 അവിവേകമിതുകണ്ടാലറിവുള്ളവര്‍
പരിഹസിക്കും ചിലര്‍ പഴിക്കും-
വഴി പിഴയ്ക്കും-
ഈ ഉപദേശം ദമയന്തിയോടു മാത്രമല്ല, ഇന്നത്തെ മുഴുവന്‍കുട്ടികളോടുമാണ്. ഈ അഭിപ്രായ ത്തോടു നിങ്ങള്‍ യോജിക്കുന്നുണ്ടോ?
7 "മാറ്റ്യാന്‍ മാറ്റ്യാന്‍ എന്നാണ് എല്ലാവരും എന്നെ വിളിക്കാറ്.”-വിദൂഷകന്‍
യഥാര്‍ഥത്തില്‍ അദ്ദേഹം ഒരു മാറ്റ്യാന്‍ ആണോ? തുടര്‍ന്നുള്ള അദ്ദേഹത്തിന്റെ പ്രവര്‍ത്തനങ്ങള്‍കൂടി വിലയിരുത്തി പ്രതികരിക്കുക.
8. “നിന്റെയച്ഛന്‍ ഒരു പഴഞ്ചനാ മോളെ “
ഈ വാക്യം വിശകലനം ചെയ്ത് അതില്‍ തെളിയുന്ന ശിവരാമന്റെ മാനസികാവസ്ഥയെ കുറിച്ച് കുറിപ്പു തയാറാക്കുക.
9. തന്നിരിക്കുന്ന സൂചനകള്‍ പ്രയോജനപ്പെടുത്തി വിദൂഷകക്കൂത്ത് ഉയര്‍ത്തുന്ന സാമൂഹ്യവിമര്‍ശനത്തെക്കുറിച്ച് കുറിപ്പ് ‌ തയ്യാറാക്കുക.
"ഒട്ടും കുറയ്ക്കണ്ടാന്ന് കരുതി കാലിന്‍മേല്‍ കാലും കേറ്റി അമര്‍ന്നിരുന്നു.”
"അപ്പോള്‍ തുടങ്ങിയതാ മോഹം. എനിക്കും അങ്ങനെ കുതിരപ്പുറത്തു കേറി മൂളിച്ചൊരു പോക്കു
പോവാന്‍.”
"പിന്നവിടൊരു താമസണ്ടായിട്ടുണ്ട്. അയ്യാ! തേച്ചുകുളി, ചതുര്‍വിധഭോജ്യരസങ്ങളോടും കൂടിയ
ഭക്ഷണം.സുഖായ ഉറക്കം....”
10 വിധുമണ്ഡലമിറങ്ങി ക്ഷിതിയിലേ പോരികയോ?---(ദമയന്തി)
ക്രൂരനല്ല സാധുവത്രേ ചാരുരൂപന്‍.. (ദമയന്തി)
യൗവനം വന്നുദിച്ചിട്ടും ചെറുതായില്ല ചെറുപ്പം... (ഹംസം)
നളനഗരേ വാഴുന്നു ഞാന്‍.... (ഹംസം)
ഹംസം പറയുന്നതും ഹംസത്തെക്കുറിച്ചു പറയുന്നതുമായ ചില സൂചനകള്‍ തന്നിരിക്കുന്നു. അവ വിശകലനം ചെയ്ത് ദൂതനെന്ന നിലയില്‍ ഹംസത്തിന്റെ എന്തെല്ലാം പ്രത്യേകതകളാണ് അവയില്‍ തെളിയുന്നതെന്നു കണ്ടെത്തി എഴുതുക.
11 .കലയോട് വ്യക്തമായ നിലപാട് പുലര്‍ത്തിയ ആളായിരുന്നു ശിവരാമന്‍. എന്നിട്ടും അദ്ദേഹത്തിന് ഒന്നും നേടാന്‍ കഴിഞ്ഞില്ല. ശിവരാമന്‍ യഥാര്‍ത്ഥത്തില്‍ ഒരു പരാജയമായിരുന്നോ? നിങ്ങളുടെ പ്രതികരണം കുറിക്കുക.
12 "താങ്കള്‍ ഈ ബൂര്‍ഷ്വാവാല്യൂസൊക്കെ കളയണം. പിന്നെ എന്നോടു തര്‍ക്കിക്കാന്‍ വരരുത്.
ഐ മീന്‍, ഐ നോ വാട്ട് അയാം സേയിംഗ്"
ഹേ മനുഷ്യാ, പേനയ്ക്ക് ശക്തി വേണമെങ്കില്‍ ഇറച്ചീം മീനും തിന്നണം. “
"ഞങ്ങള്‍ സെന്റ്സ്റ്റീഫനിയന്‍സുകാര്‍ ഐ..എസ്സു കാരെപ്പോലെയാണ്.ഏതു സീറ്റിലും
ഞങ്ങള്‍ കംഫര്‍ട്ടബിളാണ്.”
അയാള്‍ ശിവരാമന്റെ മുഖത്തു നോക്കാതെ വിറങ്ങലിച്ച കോള ഒരു കവിള്‍ കുടിച്ച് ക്യാന്‍
താഴെ വെച്ചു.
ഈ വരികളില്‍ തെളിയുന്ന യുവാക്കളുടെ ജീവിതകാഴ്ചപ്പാടിനെക്കുറിച്ച് ലഘുലേഖനം 6 തയ്യാറാക്കുക.
13 ആസ്വാദനക്കുറിപ്പ് തയ്യാറാക്കുക. 6
ചതി
വലിയ ശ്രദ്ധയായിരുന്നു
ജീവിതത്തോട് അയാള്‍ക്ക്
ഒരു ഉപേക്ഷയും കാണിച്ചിരുന്നില്ല
അയാള്‍ അതിനോട്.
അപ്രതീക്ഷിതമായ ഒന്നും
അതിനോട് കാട്ടിയിരുന്നുമില്ല.
എന്നാല്‍
ആ ഉദാരതയൊന്നും പരിഗണിക്കാത്ത
കര്‍ക്കശക്കാരനായിരുന്നു ജീവിതം.
പ്രതീക്ഷിക്കാത്ത നേരത്ത്
കാരണമൊന്നും കൂടാതെ
ഉപേക്ഷിച്ചുകളഞ്ഞു
അത് അയാളെ.
വീരാന്‍കുട്ടി.



തയാറാക്കിയത്
കെ. വി. മോഹനന്‍

Monday, June 24, 2013

ക്ലാസ് പത്ത്
മലയാളം
പാഠം - ചെറുതായില്ല ചെറുപ്പം

ചോദ്യം 1
ദമയന്തി പ്രണയ വിവശയാണെന്നു തെളിയിക്കാന്‍ ഈ ഭാഗത്തിനു കഴിയുന്നുണ്ടോ?
ചോദ്യം2
ദമയന്തി പ്രായത്തിനനുസരിച്ചു പക്വത കാണിക്കാത്തവളെന്ന അരയന്നത്തിന്റെ  അഭിപ്രായത്തിനു യുക്തിയായി 'എങ്ങനെ പിടിക്കുന്നു ഗഗനചാരിയാമെന്നെ' എന്ന ഒറ്റ പരാമര്‍ശം പരിഗണിക്കുന്നതു ശരിയാണോ ?

അഭിപ്രായങ്ങള്‍ ക്ഷണിക്കുന്നു

ജോഷി.ടി.കെ

Friday, June 29, 2012

എന്തെങ്കിലും ഒന്നു പറയു‌

പുതിയ അധ്യയന വര്‍ഷം ആരംഭിച്ചിട്ട് ഒരു മാസം കഴിയാറായി. കഴിഞ്ഞ വര്‍ഷങ്ങളിലൊക്കെയുണ്ടായിരുന്ന പലതരത്തിലുള്ള കൂട്ടായ്മകളും പരിശീനങ്ങളും ഒത്തു ചേരലുകളുമൊക്കെ ഇല്ലാതെയായിരിക്കുന്നു. ക്ലാസുമുറികളില്‍  എന്തൊക്കെ നടക്കുന്നുവെന്ന് ആരും വിലയിരുത്തുന്നില്ല . പഴയകാര്യങ്ങള്‍ ആവര്‍ത്തിക്കുകയല്ലാതെ പുതിയവയെന്തെങ്കിലും ക്ലാസുകളില്‍ നടക്കുന്നുണ്ടോ ? മലയാളത്തിലെങ്കിലും ചില പുതുമ നിറഞ്ഞ പ്രവര്‍ത്തനങ്ങള്‍ നടത്തേണ്ടേ ? നമ്മുടെ ബ്ലോഗുവഴി ഒന്നു ശ്രമിച്ചാലോ അഭിപ്രായം അറിയിക്കൂ

Monday, March 19, 2012

ഇനിയൊരു യുദ്ധം ഉണ്ടാകരുതേ എന്ന പ്രാര്‍ഥനയോടെ......

കവിത 
                                    സൈനികപത്നി
                                             
        ഇടനെഞ്ചു പൊട്ടിയൊലിച്ച ചോരത്തുള്ളി
        ഇഴയിട്ട പുഷ്പക്കുലയ്ക്കുമൊപ്പം
         ഒരുപിടി ശുഭ്രപ്രതീക്ഷകള്‍ കൂടുവ-
         ച്ചൊരുമിച്ച പച്ചത്തലപ്പുകളും 

ഒന്നിച്ചൊരുകൈക്കുടന്നയില്‍ നിന്‍കാല്‍ക്ക -
ലര്‍പ്പിച്ചതിധന്യയാകട്ടെ ഞാന്‍ 
ആപ്രഭാപൂരത്തില്‍നിന്നൊരു കൈത്തിരി
ഈയന്ധകാരത്തിലേറ്റട്ടെ   ഞാന്‍ 

         വീണ്ടുമൊരുവര്‍ഷമോടിയകലുന്നു 
         നീയില്ലയെന്നുഞാനെന്നോടു ചൊല്ലുന്നു 
          നീരൊഴുക്കുന്നെന്റെ കണ്ണുകള്‍, നീണ്ടൊരാ 
          വീഥിയിലെന്തിനോ നോക്കിനിന്നീടുന്നു 

അങ്ങ് കാര്‍ഗില്‍ ഭൂവിലര്‍പ്പിച്ച നിന്‍പ്രാണ-
നെങ്ങോമറഞ്ഞിരുന്നെന്നെനോക്കീടവേ 
അന്നുനീയെന്‍കാതിലോതിയവാക്കുകള്‍ 
മന്ത്രമായ്, ''ഭാരതഭൂമിയെ സേവിക്ക" 

          ചൊല്ലി ഞാനാമന്ത്രമെന്റെയുദരത്തില്‍ 
         സ്പന്ദനംചെയ്തൊരു കുഞ്ഞുകര്‍ണ്ണത്തിലും 
          സ്നേഹിച്ചുസ്നേഹംതിരിച്ചുവാങ്ങിച്ചവന്‍
          നാടിന്റെരക്ഷകനായ് വളര്‍ന്നീടുന്നു 

സ്മൃതികളില്‍  നീ മാത്രമെന്നുമെന്‍ ധൈര്യമായ്
ശക്തിയായ് ചൈതന്യദീപമായ് നില്ക്കുകില്‍ 
ഈജീവസാഗരം നീന്തിക്കടക്കുവാന്‍   
നിന്നോര്‍മ്മ  ശക്തിയായെന്നും തുണതരും ...
           
                   ****************************
..       
 അനിതാശരത്
 മലയാളം അധ്യാപിക 
ഗവ. ഹൈസ്കൂള്‍ കാലടി

Thursday, October 27, 2011

യുദ്ധ വിരുദ്ധ ചലചിത്ര മേള





പൂമരത്തണലില്‍ തിരിതെളിഞ്ഞു

പറപ്പൂര്‍ - പറപ്പൂര്‍ സെന്റ് ജോണ്‍സ് ഹയര്‍സെക്കണ്ടറി സ്കൂളിലെ വിദ്യാര്‍ഥികള്‍ പൂമരത്തണലില്‍ വീണ്ടും ഒത്തുകൂടി. യുദ്ധവിരുദ്ധ ചിത്രങ്ങളുടെ ചലചിത്രമേള നാടക- സിനിമാ സംവിധായകന്‍ എം.ജി ശശി ഉദ്ഘാടനം നിര്‍വഹിച്ചു. തിരക്കഥകള്‍ നല്‍കിയ കുട്ടികളില്‍ നിന്ന് തിരഞ്ഞെടുത്ത 50 കുട്ടികള്‍ എം.ജി ശശിയുടെ ഒളിച്ചേ... കണ്ടേ എന്ന ടെലി ഫിലിം കണുകയും തിരകഥ, സിനിമ എന്നിവയുടെ സാങ്കേതിക വശങ്ങള്‍ സംവിധായകനുമായി ചര്‍ച്ച ചെയ്യുകയും ചെയ്തു.
ഗ്രേറ്റ് ഡിക്റ്റേറ്റര്‍, ടര്‍ട്ടില്‍സ് കാന്‍ ഫ്ലൈ, ഹിരോഷിമ ബി.ബി.സി ഡോക്യുമെന്ററി, കെ.പി ശശിയുടെ 'അമേരിക്ക', യുദ്ധവിരുദ്ധ ഗാനം, വിയറ്റ്നാം യുദ്ധ ചിത്രങ്ങള്‍, യുദ്ധവിരുദ്ധ ഷോര്‍ട്ട്ഫിലീമുകള്‍, എന്നിവ മൂന്നു ദിവസങ്ങളിലായി നടന്ന ചലചിത്രമേളയില്‍ പ്രദര്‍ശിപ്പിച്ചു.
സ്ക്കൂള്‍ മാനേജര്‍ ഫാ. ഫ്രാങ്കോ കവലക്കാട്, പ്രിന്‍സിപ്പാള്‍ ശ്രി. വി.ടി സണ്ണി, പി.ടി.എ പ്രസിഡണ്ട് ജോര്‍ജ് മാത്യു, എല്‍സി ടീച്ചര്‍, സി .എഫ്. ജോര്‍ജ് എന്നിവര്‍ പങ്കെടുത്തു സംസാരിച്ചു. ജോളി എ.വി, റിമ.സി.ആര്‍, ബിതഫ്രാന്‍സിസ്, പി.വി.ജോസഫ് എന്നിവര്‍ പരിപാടിക്ക് നേതൃത്വം നല്‍കി




പഠനപ്രവര്‍ത്തങ്ങള്‍





പഠനപ്രവര്‍ത്തനങ്ങള്‍

1. വരികള്‍ വ്യാഖ്യാനിക്കല്‍

പ്രക്രിയകള്‍:-
    • ഏതു ധൂസര സങ്കല്പങ്ങളില്‍ വളര്‍ന്നാലും,
      ഏതു യന്ത്രവല്‍കൃതലോകത്തില്‍ പുലര്‍ന്നാലും,
      മനസ്സിലുണ്ടാവട്ടേ ഗ്രാമത്തിന്‍വെളിച്ചവും
      മണവും മമതയും- ഇത്തിരി കൊന്നപ്പൂവും
                      (വൈലോപ്പിള്ളി)
ഇതെഴുതിയ ചാര്‍ട്ട് പ്രദര്‍ശ്ശനം
    • ഗ്രാമത്തിന്റെ വിശുദ്ധിയായി നാം കണക്കാക്കുന്നതെന്തൊക്കെ?-ചര്‍ച്ച...ലിസ്റ്റ് ചെയ്യല്‍

    2.കവിത -പുനര്‍വായന
പ്രക്രിയകള്‍:-
    • 'മോഷ്ടിച്ചെടുത്ത ഒരു രാത്രി' എന്ന മുന്‍പ് പഠിച്ച കവിത വീണ്ടും പരിചയപ്പെടുന്നു.
    • കേന്ദ്രാശയം കണ്ടെത്തല്‍- ആസ്വാദനക്കുറിപ്പ് തയ്യാറാക്കല്‍
    1. ആസ്വാദനക്കുറിപ്പ് തയ്യാറാക്കല്‍
പ്രക്രിയകള്‍:-
കവി
കേന്ദ്രാശയം
സമകാലിക പ്രസക്തി
അടുത്തൂണ്‍ - വ്യാഖ്യാനിക്കപ്പെടേണ്ട വരികള്‍(HB-യില്‍ ഉണ്ട്)
സമാനകൃതികള്‍
...........................

    • സുചനകള്‍ പൂരിപ്പിച്ച് ക്രമീകരിച്ച് ആസ്വാദനം തയ്യാറാക്കാം

      1. ആത്മഗതം തയ്യാറാക്കാം
പ്രക്രിയകള്‍:-
    • ഒരു ഗ്രാമത്തിന്റെ ആത്മഗതം തയ്യാറാക്കാന്‍ പറയാം. (ഇന്ന് ഗ്രാമം നേരിടുന്ന വെല്ലുവിളികളില്‍ ഊന്നിയാവണം ആത്മഗതം)
    • 5.ചര്‍ച്ചാക്കുറിപ്പ്
പ്രക്രിയകള്‍:-

    • 'കടലിന്റെ വക്കത്ത് ഒരു വീട് ' എന്ന കഥയിലെ അറുമുഖന്റെ ഭാര്യയുടെ പ്രവൃത്തികള്‍ വിശകലന വിധേയമാക്കാം.

6. വിശകലനക്കുറിപ്പ്
പ്രക്രിയകള്‍:-
    • ഏറ്റവും അടിത്തട്ടിലുള്ള മനുഷ്യരുടെ ജീവിതമാണ് മാധവിക്കുട്ടിയൂടെ കഥകളില്‍ പ്രത്യക്ഷപ്പെടുന്നത്.(ഇത് ചാര്‍ട്ടില്‍ പ്രദര്‍ശ്ശിപ്പിക്കുന്നു)
    • ഈ പ്രസ്ഥാവനയുടെ അടിസ്ഥാനത്തില്‍ അറുമുഖന്‍, ചെറുപ്പക്കാരന്‍ എന്നീ പാത്രങ്ങളെ വിലയിരുത്തുക.

          7.കഥാപാത്ര നിരൂപണം
പ്രക്രിയകള്‍:-

കഥാകൃത്ത്
കഥ ജീവിതാവസ്ഥ
പ്രവര്‍ത്തനങ്ങള്‍ ജീവിതത്തോടുള്ള കാഴ്ചപ്പാട്


*സൂചനകള്‍ വികസിപ്പിച്ച് കഥാപാത്ര നിരൂപണം തയ്യാറാക്കാന്‍ പറയാം

8.ലഘു ഉപന്യാസം

പ്രക്രിയകള്‍:-
    • നേടുന്നതിന്റെ ആനന്ദത്തേക്കാള്‍ നല്‍കുന്നതിന്റെ ആനന്ദം അനുഭവിക്കുന്ന അനേകം വ്യക്തികളുടെ പ്രവര്‍ത്തനങ്ങളാണ് ലോകത്തെ മുന്നോട്ട് നയിക്കുന്നത്".
    • ഇത് ഒരു ചാര്‍ട്ടില്‍ പ്രദര്‍ശ്ശിപ്പിക്കുന്നു.
    • ഈ പ്രസ്ഥാവനയെ മുന്‍നിറുത്തി വിണ്ടകാലടികള്‍, ഉതുപ്പാന്റെ കിണര്‍, കടലിന്റെ വക്കത്ത് ഒരു വീട് എന്നീ കവിതാ,കഥകളെ വിലയിരുത്തി ഉപന്യാസം തയ്യാറാക്കാം.(സൂചനകള്‍-വിണ്ടകാലടികളില്‍ തെളിയുന്ന ജീവിത സമീപനം,ഉതുപ്പാന്റെ ജീവിതം നല്‍കുന്ന സന്ദേശം,പുതപ്പ് നല്കുന്ന അറുമുഖന്റെ ഭാര്യയുടെ മനോഭാവം......)

      1. പ്രതികരണക്കുറിപ്പ്

പ്രക്രിയകള്‍:-
* വിവിധ പത്രവാര്‍ത്തകള്‍ സ്ലൈഡ് ഷോ വഴി കാണിക്കുന്നു

ഉദാ:- 1. സ്വത്തു തര്‍ക്കം .....മകന്‍ അച്ഛനെ വെട്ടിക്കൊന്നു.
      1. അപകടത്തില്‍ പരിക്കേറ്റ യുവാവ് ചികിത്സ കിട്ടാതെ മരിച്ചു
      2. കൈക്കൂലി..റവന്യു ഉദ്യോഗസ്ഥന്‍ പിടിയില്‍
      3. ഗാന്ധി പ്രതിമ തകര്‍ത്ത സംഭവം .....പോലീസ് രണ്ടുപേരെ അറസ്റ്റുചെയ്തു.

* തുടര്‍ന്ന് വൈലോപ്പിള്ളിയുടെ പാഠഭാഗത്തു കൊടുത്ത വരികള്‍ പ്രദര്‍ശ്ശിപ്പിക്കുന്നു.
(പേജ്-60....പൃഥ്വിയിലന്നു മനുഷ്യന്‍......)
* കണ്ട കാര്യങ്ങള്‍ വച്ച് കുട്ടികള്‍ പ്രതികരിക്കട്ടെ....കുറിക്കട്ടെ.