പറപ്പൂര് - പറപ്പൂര് സെന്റ് ജോണ്സ് ഹയര്സെക്കണ്ടറി സ്കൂളിലെ വിദ്യാര്ഥികള് പൂമരത്തണലില് വീണ്ടും ഒത്തുകൂടി. യുദ്ധവിരുദ്ധ ചിത്രങ്ങളുടെ ചലചിത്രമേള നാടക- സിനിമാ സംവിധായകന് എം.ജി ശശി ഉദ്ഘാടനം നിര്വഹിച്ചു. തിരക്കഥകള് നല്കിയ കുട്ടികളില് നിന്ന് തിരഞ്ഞെടുത്ത 50 കുട്ടികള് എം.ജി ശശിയുടെ ഒളിച്ചേ... കണ്ടേ എന്ന ടെലി ഫിലിം കണുകയും തിരകഥ, സിനിമ എന്നിവയുടെ സാങ്കേതിക വശങ്ങള് സംവിധായകനുമായി ചര്ച്ച ചെയ്യുകയും ചെയ്തു.
ഗ്രേറ്റ് ഡിക്റ്റേറ്റര്, ടര്ട്ടില്സ് കാന് ഫ്ലൈ, ഹിരോഷിമ ബി.ബി.സി ഡോക്യുമെന്ററി, കെ.പി ശശിയുടെ 'അമേരിക്ക', യുദ്ധവിരുദ്ധ ഗാനം, വിയറ്റ്നാം യുദ്ധ ചിത്രങ്ങള്, യുദ്ധവിരുദ്ധ ഷോര്ട്ട്ഫിലീമുകള്, എന്നിവ മൂന്നു ദിവസങ്ങളിലായി നടന്ന ചലചിത്രമേളയില് പ്രദര്ശിപ്പിച്ചു.
സ്ക്കൂള് മാനേജര് ഫാ. ഫ്രാങ്കോ കവലക്കാട്, പ്രിന്സിപ്പാള് ശ്രി. വി.ടി സണ്ണി, പി.ടി.എ പ്രസിഡണ്ട് ജോര്ജ് മാത്യു, എല്സി ടീച്ചര്, സി .എഫ്. ജോര്ജ് എന്നിവര് പങ്കെടുത്തു സംസാരിച്ചു. ജോളി എ.വി, റിമ.സി.ആര്, ബിതഫ്രാന്സിസ്, പി.വി.ജോസഫ് എന്നിവര് പരിപാടിക്ക് നേതൃത്വം നല്കി
ഇഷ്ടപ്പെട്ടു
ReplyDelete